Home » अन्तर्राष्ट्रिय फुटबल » मोरक्कोविरुद्व पोर्चुगलको जितः रोनाल्डोको गोल नै निर्णायक

मोरक्कोविरुद्व पोर्चुगलको जितः रोनाल्डोको गोल नै निर्णायक

काठमाडौं । रुस विश्वकपअन्तर्गत समूहगत चरणको आजको आफ्नो पहिलो खेलमा मोरक्कोविरुद्व पोर्चुगल १–० गोलले विजयी बनेको छ ।

खेलको ४ औं मिनेटमा कप्तान समेत रहेका पोर्चुगलका क्रिस्टियानो रोनाल्डोले हेडमार्फत गोल गरेका थिए । रोनाल्डोले गरेको उक्त गोल नै निर्णायक बन्यो ।

मोरक्को अन्तिम खेल अगाडि नै विश्वकपको समूह चरणबाटै बाहिरिएको छ ।

मोरक्कोविरुद्व पहिलो गोलसँगै स्टार खेलाडी रोनाल्डोले एउटा नयाँ किर्तिमान भंग गरेका छन् । उनी युरोपेली राष्ट्रहरुमध्ये सर्वाधिक गोलकर्ता बनेका छन् भने अन्तर्राष्ट्रिय फुटबलमा सर्वाधिक गोल गर्ने खेलाडीको सूचिमा दोस्रो स्थानमा उक्लिएका छन् ।

रोनाल्डोले पहिलो खेलमा स्पेनविरुद्ध ह्याट्रिक गरेका थिए ।  स्पेनविरुद्ध ह्याट्रिकसँगै उनले हंगेरीका फ्रेरेन्क पुस्कासको ८४ अन्तर्राष्ट्रिय गोलको किर्तिमान बराबरी गरिसकेका थिए ।

रोनाल्डोको यो गोलसँगै युरोपियन टोलीका तर्फबाट सबैभन्दा धेरै गोल गर्ने खेलाडी बन्नेछन् । पुस्कासलाई उछिनेपछि रोनाल्डोको टार्गेट अब पोर्चुगलका लागि १ सय गोल हुनेछ ।

इरानका पूर्व फरवार्ड अली देईले राष्ट्रिय टोलीका लागि १०९ गोल गरेका थिए । रोनाल्डो त्यसबाट मात्र २५ गोल टाढा छन् । यदी उनले यो फर्मलाई केही वर्ष जारी राखे भने उनले पक्कै पनि त्यो किर्तिमान भेटाउन सक्नेछन् ।

(रातोपाटी)

About Milan Shahi

Check Also

रोनाल्डो रियल मड्रिड छोड्न तयारमा

आफ्नो पारिश्रमिक नबढेपछि स्ट्राइकर क्रिष्टियानो रोनाल्डो रियल मड्रिड छोड्न तयार रहेका छन्। रोनाल्डो एक सय …

इग्लिस प्रिमियर लिग फुटवलमा आर्सनल विजयी

इग्लिस प्रिमियर लिग फुटवलमा आर्सनलले क्रिष्टल प्यालेसलाई ३÷२ ले हराएको छ । गएको राति भएको …

Leave a Reply