Home » ब्रेकिङ न्युज » सुदुरपश्चिम खप्तड गोल्डकपको उपाधि आर्मीलाई

सुदुरपश्चिम खप्तड गोल्डकपको उपाधि आर्मीलाई

कैलालीको धनगढीमा भएको सर्वाधिक पुरस्कार राशीको नेपाल आईस सुदूरपश्चिम खप्तड गोल्डकप फुटबल प्रतियोगिताको दोस्रो संस्करणको उपाधिमाथि विभागीय टोली त्रिभुवन आर्मी क्लबले कव्जा जमाएको छ । आज धनगढी रंगशालमा भएको फाइनल खेलमा अर्को विभागीय टोली ससस्त्र प्रहरी बलको एपिएफ क्लवलाई पराजीत गर्दै आर्मीले उपाधीमाथी कब्जा जमाएको हो । पहिलो संस्करणमा भने मनाङ च्याम्पीयन वनेको थियो ।
निर्धारीत समयमा कुनै पनि टिमबाट गोल हुन नसकेपछि खेलको नतिजा पेनाल्टी सुटआउट मार्फत निकालीएको थियो । आर्मीले एपीएफलाई पेनाल्टी सुट आउटमा ५–४ ले पराजीत गरेको हो । उपाधीसंगै आर्मीले नगद ११ लाख ११ हजार १ सय ११ सहित ट्रफी र प्रमाणपत्र प्राप्त गरेको छ ।
यो आर्मीको यस सिजनको चौथो उपाधि हो । गत महिना झापामा सताक्षी गोल्डकप र मेची नेत्रालयल काकरभित्ता गोल्ड कपको उपाधि जितेको थियो । त्यस्तै वीरगन्जमा खेलिएको विशाल मेमोरियको उपाधि पनि आर्मीले नै हात पारेको थियो । एपिएप्m भने लगातार चार पटक फाईनलमा पुगेर उपाधि जित्नवाट चुकेको छ । यसअघि जेसिज कप, दुधे गोल्डकप, राईनो कपमा पनि फाईनलमा पराजिभत भएको एपिएफ खप्तड गोल्डकपको पनि फाईनलमा पुगेर पराजित भएको हो । एपीएफका जर्सी नम्वर १२ का खेलाडी सुदिप सिन्ग्राकारले हानेको प्रहार पोलमा लागेर फर्कीएपछि एपीएफले उप विजेतामा चित्त बुझाउन परेको हो । उप विजेता एपीएफले ५ लाख ५५ हजार ५ सय ५५ रुपैयामा चित्त बुझाएको छ । म्यान अफ द फाईनल आर्मीका नवयुग श्रेष्ठ भए ।
दुवै टोलीले राम्रा अवसर सिर्जना गर्दै खेलको सुरुवात गरेका थिए । तर आर्मी र एपिएफ दुवैले एकअर्काको डिफेन्सको तोड खोज्न सकेका थिएनन् । खेलको २१ औं मिनेटमा अन्जन विष्टले एपीएफका लागि टोलीलाई अग्रता दिलाउने मौका गुमाएका पनि थिए ।
त्यस्तै खेलको ३१ औं मिनेटमा आर्मीका जर्ज प्रिन्स कार्कीको फ्रिकिक एपिएफका गोलकिपर अमृत चौधरीले बचाएका थिए । यसैगरी जर्ज प्रिन्सले ३७ औं मिनेटमा बक्सबाहिरबाट गरेको प्रहार फेरी अमृतले बचाएका थिए । पहिलो हाफको अन्त्यमा सन्तोष श्रेष्ठको प्रहार विकेश कुथुले राम्रो बचाऊ गरेपछि पहिलो हाफ गोल रहित नै टुङ्गिन पुग्यो ।
त्यस्तै दोस्रो हाफको ५९ औं मिनेटमा नवयुग श्रेष्ठले दुई सुनौला अवसरलाई सदुपयोग गर्न सकेनन् । त्यसैगरी खेलको ८१ औं मिनेटमा नवयुगको पोस्ट नजिकैबाट अर्को प्रहार एपिएफका अमृतले बचाएका थिए । अतिरिक्त समयको दोस्रो मिनेटमा नवयुगको अर्को प्रहार अमृतले उच्च स्तरिय बचाऊ गरेपछि नियमित समय पनि गोल रहितमै सकिएको हो ।
उपाधि जितेपछि प्रतिक्रिया दिदै आर्मका प्रशिक्षक नवीन न्यौपानले लगातार दुई खेल खेल्दा पनि विपक्षीले राम्रो खेलेको भएपनि पेनाल्टीमा भाग्यले साथ दिएका कारण उपाधि चुमेको वताए । एपिएफएका प्रशिक्षक रत्नकाजी महर्जनले राम्रै खेलेको भएपनि पाएका केही मौका चुकाउँदा पेनाल्टप्ीमा खेल गुमाएको वताए ।
प्रतियोगीतामा आर्मीका कप्तान भरत खवास उत्कृष्ठ खेलाडी हुदै यमाहा मोटरसाईकल पाए । यस्तै उत्कृष्ट गोलकिपर आर्मीका विकेश कुथु, उत्कृष्ट डिपेन्डर एपीएफका टोप विष्ट, उत्कृष्ट फरवार्ड आर्मीका सन्तोष तामाङ र राईजीङ प्लेयर सुदुरपश्चिम ११ का गोलकिपर अमानत शेख भए । सवै विधाका उत्कृष्ट खेलाडीहरुले नगद १५–१५ हजार नगद प्राप्त गरेका छन् ।
उपाधि विजेता र उपविजेतालाई प्रतियोगिता समापन समारोहमा राष्टिय खेलकुद परिषदका सदस्य सचिव केशव कुमार बिष्टले पुस्कार प्रदान गरे । पुस २१ गतेबाट सुरु भएको प्रतियोगितामा ए डिभिजनका १२ टिमको सहभागीता रहेको थियो ।

अर्को बर्ष पुरुष्कार राशी दोव्वर वढाउने घोषणा
सर्वाधीक पुरस्कार राशीको सुदूरपश्चिम खप्तड गोल्डकप फुटबल प्रतियोगिताको पुरस्कार राशीमा अर्को वर्ष झन्डै दोब्बरले बृद्धि हुने घोषणा गरिएको छ । तेस्रो संस्करणको खप्तड गोल्ड कपको विजेतालाई २१ लाख नगद दिने आयोजक सुदूरपश्चिम ११ स्पोर्टस क्लबका अध्यक्ष सुरेश हमालले घोषणा गरे । विजेतालाई मात्र नभई उपविजेता टोलीले पनि अर्को वर्ष १० लाख ५० हजार रुपैयाँ पाउने हमालले बताए ।
स्थानिय व्यक्तिहरुको हौसला र फुटवल प्रतिको क्रेजका कारण पुरुष्स्कार राषी दोव्वरले बढाउने निर्णय भएको अध्यक्ष हमालले बताए । सुदूरपश्चिममा पहिलो पटक गत बर्ष आयोजना गरीएको सुदुरपश्चिम खप्तड गोल्डकपको पहिलो संस्करणको विजेताले ५ लाख रुपैयाँ प्राप्त गरेको थियो ।

विभिन्न विधामा उत्कृष्ट खेलाडीहरु यस प्रकार रहेका छन् ।
अन्जन विष्ट (एपिएफ) – उत्कृष्ट स्ट्राइकर
टोप विष्ट (एपिएफ) – उत्कृष्ट डिफेन्डर
विकेश कुथु (आर्मी) – उत्कृष्ट किपर
सन्तोष तामाङ (आर्मी) – उत्कृष्ट मिडफिल्डर
अमानत सिहं (सुदुरपश्चिम) – उदयमान खेलाडि
नवयुग श्रेष्ठ (आर्मी) – फाइनलका म्यान अफ द म्याच

About Milan Shahi

Check Also

थ्रीस्टार क्ल्ब विराट गोल्डकपको फाईनलमा

विराटनगर शहिद रंगशालामा भएको दोस्रो सेमिफाईनल खेलमा रुस्लान थ्रीस्टार क्ल्बले सिएमजी संकटा क्लबलाई शून्यकाविरुद्ध ४ गोलले हराउँदै थ्रीस्टारले …

बुद्धशान्ति कपको उपाधि सैनिकलाई

बुद्धशान्ति | प्रथम बुद्धशान्ति च्यालेन्ज कप नकआउट फुटबल प्रतियोगिताको उपाधी सैनिक युथ क्लब सैनीकले जितेको …

Leave a Reply