Home » अन्तर्राष्ट्रिय फुटबल » नेइमारको ठाउँमा आए डेम्बेले, विश्वको दोस्रो महंगो खेलाडी

नेइमारको ठाउँमा आए डेम्बेले, विश्वको दोस्रो महंगो खेलाडी

बार्सिलोनाले बोरुसिया डर्टमुण्डका फरवार्ड उसमान डेम्बेलेलाई अनुबन्ध गरेको छ । नेइमार विश्व कीर्तिमानी मूल्य २० करोड पाउण्डमा पेरिस सेन्ट जर्मेन पिएसजी गएपछि उनको ठाउँमा नयाँ खेलाडीको खोजीमा रहेको बार्सिलोनाले डेम्बेलेलाई ल्याएको हो । बार्सिलोनाले डेम्बेलेलाई ९ करोड ६८ लाख पाउण्डमा अनुबन्ध गरेको हो । यो रकम १३ करोड ५५ लाख पाउण्डसम्म पुग्नेछ ।

उनी विश्वका दोस्रो महंगा खेलाडी बनेका छन् । २० वर्षका फ्रान्सेली खेलाडी डेम्बेलेसँग बार्सिलोनाले पाँच वर्षको सम्झौता गरेको हो । डेम्बेलेको मेडिकलपछि सोमबार सम्झौतामा हस्ताक्षर भएको हो । बार्सिलोनाले डेम्बेलका लागि रिलिज क्लज ३६ करोड ९६ लाख पाउण्ड राखेको छ । नेइमार पिएसजी गएपछि बार्सिलोनाले लिभरपुलका फिलिप कोन्टिन्होलाई भित्र्याउन निकै प्रयास गरेको थियो । तर तीनपटकको प्रयासमा पनि बार्सिलोना सफल हुन सकेन ।बार्सिलोनाले डेम्बेले विश्वका उत्कृष्ट खेलाडी मध्ये एक रहेको बताएको छ ।

डेम्बेलेले ११ नम्बरको जर्सी लगाउने पनि बार्सिलोनाले जनाएको छ । बार्सिलोनामा ११ नम्बरको जर्सी यसअघि नेइमारले लगाउने गरेका थिए । डेम्बेलेले बार्सिलोना आउनु आफ्नो सपना रहेको र यो सपना पूरा हुँदा आफू निकै खुशी रहेको बताएका छन् ।

About Milan Shahi

Check Also

हार्जाडको मूल्य सुनेर तर्सियो रियल मड्रिड, रोनाल्डोको विकल्प को ?

रियल मड्रिडका प्रशिक्षक लुजन लोपेटेगुई इडेन हार्जाडलाई नकिन्ने मनस्थितीमा पुगेका छन् । स्टार क्रिस्टियानो रोनाल्डो …

आर्सनलसँग पिएसजी ५-१ ले पराजित (भिडियोसहित)

आर्सनलले फ्रेन्च क्लब पिएसजीमाथि सहज जित निकालेको छ। इन्टरनेसनल च्याम्पियन्स कप फुटबल अन्तर्गत शनिबार सिंगापुरमा …

Leave a Reply