Home » अन्तर्राष्ट्रिय फुटबल » स्पेनिस ला लिगा फुटबलको उपाधि होड रोमाञ्चक बन्दै

स्पेनिस ला लिगा फुटबलको उपाधि होड रोमाञ्चक बन्दै

स्पेनिस ला लिगा फुटबलको उपाधि होड लिगको अन्तिम तिर आइपुग्दा थप रोमाञ्चक बनेको छ । लिग अन्तर्गत आइतबार राति भएका खेलमा शीर्ष स्थानका बार्सिलोना र रियल मड्रिड दुवैले प्रभावशाली जित दर्ता गरेपछि उपाधि होड थप रोमाञ्चक बनेको हो । घरेलु मैदानमा भएको खेलमा रियल मड्रिडले सेभिल्लालाई ४–१ ले हरायो । रियलको जितमा क्रिष्टियानो रोनाल्डोले दुई तथा नाचो तथा टोनी क्रसले एक एक गोल गरे । रोनाल्डोले २३ र ७८ औं मिनेटमा गरी दुई गोल गरे । नाचोले १० औं तथा क्रसले ८४ औं मिनेटमा गोल गरेका हुन् । सेभिल्लाका लागि जोभेटिकले ४९ औं मिनेटमा एक गोल फर्काए । जितपछि दोस्रो स्थानको रियलको लिगका दुई खेल बाँकी हुँदा ८७ अंक भएको छ । शीर्ष स्थानको बार्सिलोनाको लिगको एक खेल बाँकी हुँदा ८७ अंक भएको छ । रियल अहिले दोस्रो स्थानमा छ । राति भएका अरु खेलमा एथ्लेटिको मड्रिड र रियल बेटिस तथा एथ्लेटिको बिल्बाओ र लेगानेसले १–१ को बराबरी खेले । यस्तै रियल सोसिडाड र मालागाले २–२ तथा भिल्लारियल र डिप्रोटिभो डी लाकोरुनाले गोल रहित बराबरी खेलेका छन् ।

About Kiran Shahi

Check Also

रियल मड्रिड रियल बेटिससँग १–० ले पराजित

रियल मड्रिड रियल बेटिससँग १–० ले पराजित, मड्रिडलाई गम्भीर धक्का

स्पेनिस लिग ला लिगा अन्तर्गत बुधबार राति भएको खेलमा रियल मड्रिड आफ्नो घरेलु मैदान बर्नाबेउमा …

नेपाल यु १६ एसिया कप छनौटमा इराकसँग पराजित

एएफसी यू–१६ च्याम्पियनसिप २०१८ अन्तर्गत समूह ‘डी’ को छनोट प्रतियोगिता आज देखि काठमाडौंमा सुरु भएको …

Leave a Reply