Home » राष्ट्रिय फुटबल » सिम्पानी कप फुटबलमा क्वार्टरफाइनलका खेलहरु सम्पन्न

सिम्पानी कप फुटबलमा क्वार्टरफाइनलका खेलहरु सम्पन्न

पाँचौ संस्करणको सिम्पानी कप सेभेन ए साइड फुटबल प्रतियोगिता अन्तरगत शुक्रबार क्वार्टरफाइनल चरणका खेलहरु सम्पन्न भएका छन्। संगम फुटबल क्लब, हेमजाको बिष्णुपादुका क्लब, एलजी एशोसिएसन र लेकसाइड एफसीले क्वार्टरफाइनलका खेल जित्दै सेमीफाइनलका लागि स्थान पक्का गरेका छन्। पहिलो क्वार्टरफाइनलमा बिमल बस्नेतको दुई गोल मद्दतले संगम फुटबल क्लबले मालेपाटन युनाइटेड एफसीमाथि २–१ गोलले हराउँदै सेमीफाइनलका लागि स्थान बनायो। मालेपाटन युनाइटेडको तर्फबाट गोबिन थापाले एक गोल गरे। उक्त खेलमा संगमका बिमल बस्नेत म्यान अफ दि म्याच बने।

दोस्रो क्वार्टरफाइनलमा हेमजाको बिष्णुपादुका क्लबले आयोजक एफसी सिम्पानी ए लाई टाइब्रेकरमा ३–१ ले हराउँदै। ५० मिनेटको निर्धारित समयमा दुबै टोलीबाट कुनैपनि गोल हुन नसकेपछि खेल टाइब्रेकरमा पुगेको थियो। आयोजक एफसी सिम्पानीका गोलकिपर निशान गुरुङ म्यान अफ दि म्याच घोषित भए।  शनिबार हुने पहिलो सेमीफाइनलमा बिष्णुपादुकाले संगम फुटबल क्लबसंग फाइनलका लागि भिड्नेछ।

त्यसैगरि, तेस्रो क्वार्टरफाइनलमा एलजी एशोसिएसनले टाइब्रेरमा ३–२ ले हराउँदै सेमीफाइनल प्रबेश ग¥यो। निर्धारित समयमा दुबै तर्फबाट एक÷एक गोलको बराबरी भएपछि खेल टाइब्रेकरमा पुगेको थियो। निर्धारित ५० मिनेटको खेलमा गार्डेन एफसीका अजय श्रेष्ठ र एलजी एशोसिएसनका बिरेन गुरुङले एक÷एक गोल गरेका थिए। एलजी एशोसिएसनका गोलकिपर रामबहादुर कार्की म्यान अफ दि म्याच बने।

चौथो क्वार्टरफाइनल खेलमा लेकसाइड एफसीले फेदीं एफसीमाथि २–० को जित निकाल्दै एलजी एशोसिएसनसंगको सेमीफाइनल पक्का ग¥यो। लेकसाइडका तर्फबाट अबिनास तामाङले दुबै गोल गरे। उक्त खेलमा लेकसाइडका गोलकिपर अनुप राणा म्यान अफ दि म्याच बने।

हालसम्म सेभेन ए साइड फुटबलमा सर्वाधिक पुरस्कार राशी रहेको प्रतियोगिताको बिजेताले दुई लाख तथा उपविजेताले एक लाख नगदसहित ट्रफी, मेडल र प्रमाणपत्र पाउनेछ। त्यसैगरी, सर्वोत्कृष्ठ खेलाडी र सर्वाधिक गोलकर्ताका लागि नगद १० हजारसहित ट्रफी, मेडल र प्रमाणपत्र पुरस्कार पाउनेछन्। अनुशासित एक टिमले फेयर प्लेको ट्रफी पाउनेछ।

पोखरा सिम्पानीको त्रि–शक्ति समाज सेवा क्लबले फुटबल प्रतियोगिताको आयोजना गरेको हो। हिमा–अस एजुकेशनल कन्सल्टेन्सीले प्रतियोगिताका लागि मूख्य प्रायोजन गरेको छ। प्रतियोगितामा २६ टिमको सहभागिता थियो।

About Milan Shahi

Check Also

सहारा एकेडेमीलाई ३ लाख रुपैयाँ सहयोग

पोखरा । सहारा क्लव पोखराद्धारा संचालित सहारा एकेडेमीको अक्षयकोषमा आर्थिक सहयोग आउने क्रम जारी रहेको …

पूर्व राष्ट्रिय फुटबल खेलाडी कुमार थापा युइएफए कोर्षको लागि छनौट

नेपाली राष्ट्रिय महिला फुटबल टोलीका मुख्य प्रशिक्षक तथा पूर्व फुटबलर कुमार थापा युरोपेली फुटबल महासंघ …

Leave a Reply